Lahore aaj lagatar chauthe (4th) din duniya ka sab se ziyada polluted sheher raha. Sheher ka overall Air Quality Index (AQI) 294 tak pohnch gaya, jo "Very Unhealthy" category me ata hai. IQAir ki world ranking me Lahore pehle number par hai — jabke India ka Delhi (AQI 232) dusre aur Mumbai (AQI 176) teesre number par hai.
Lahore ke mukhtalif ilaqon ka AQI (aaj ke readings):
- Kahna Nau — 352
- Allama Iqbal Town — 342
- Burki Road — 334
- Bedian Road — 322
- Model Town / Muslim Town — 281
- Defence — 273
- Askari 10 — 200
Duniya ke sab se polluted sheher (IQAir ranking):
- Lahore — 294
- Delhi — 232
- Mumbai — 176
- Jakarta — 173
- Dhaka / Kuala Lumpur — 169
Smog itni zyada kyun hai?
Mahkama-e-Mausamiyat (Met Department) ke mutabiq khushk mausam, bohat kam hawa (sirf 2 km/h) aur zyada nami ki wajah se pollution zameen ke qareeb phansa hua hai. Aane wale dinon me barish ka koi imkan nahi, is liye AQI mazeed barh sakta hai — ehtiyaat lazmi hai.
Apni hifazat kaise karein:
- Bahir nikalte waqt mask pehnein (N95/KN95 behtar hai)
- Bina zaroorat bahir ke kaam kam karein, khaas tor par subah ke waqt
- Bachay, buzurg aur saans/dil ke mareez extra ehtiyaat karein
- Ghar ki khirkiyan band rakhein aur exercise indoor karein
Note: AQI readings har ghante badalti rehti hain — bahir nikalne se pehle taaza reading lazmi check karein.
No comments: